Teks en Meziek: Sjohn Smeets en Gian Prince
Zangk: Bart Barrios en Lejao Beursgens
Koeplet 1:
Is ‘r te dik,of väöl te sjmaal en haet d`r haor of is d`r kaal.
Haet d`r ganse grote vuit of grote henj.
Drunk d`r beier of limmenaad, mesjien waar nog noots zaat.
Haet hae ein kunsgebit of zeen ’t echte tènj.
Opmaot:
Ich zou ’t toch zo gaer eins wille weite,
Wae zit thoes alle waeke lang te zjweite……………………..
Refrein:
Wae oh wae zal ’t waere,wae krig de patsj mit grote vaere.
Wae zal hie mit de septer aan gaon sjlaon,
Wae zal hie op de allerlèste wage sjtaon.
Wae oh wae zal ’t waere, wae krig de patsj mit grote vaere,
Wae zal mit appelsiene sjmiete gaon,
En maag hie dit jaor in ’t prinsepekske sjtaon.
Koeplet 2:
Jao woont ‘r bie de papa en mam, dan hink dao sjtraks ein tillegram.
Haet ‘r blóndj of ein brunnette of ein rooj.
Kump ‘r van bènne de wal, van Zitterd Zuid in gein geval.
Haet hae ein fletje of ein ganse sjieke kooi.
Koeplet 3:
Of lik ‘r ummer vruig in ’t bed, hink hae pès sjloete aan ’t befèt.
Is hae eine van de boewesj oet de hal.
Sjpeelt ‘r in ein hermenie en is ‘r euveral d’rbie.
Jao geit ‘r nao k’non of nao t galabal.
