Benuimp pès Sjtadsprins van Zitterd 2024 is d’n heer Nick Smeets. Ziene hoogheid zal regeiere euver ’t Marotteriek en d’n eeuwen-awwe Zittesje Vastelaovend onger de naam Sjtadsprins Nick II
De 31 jaorige Nick Smeets is gebaore in Broukzittert en woont same mit zien maedje Ellen. Zien Prinselik Palies lègk aan Achter de Kirk 34 in Broukzittert-Zitterd.
In ’t dagelikslaeve is Nick Electro-technicus bie U.S.G. op Chemelot. Nick is zeker geine onbekende in de Zittesje Vastelaoveslaeve. Zo is hae waageboewer bie Klup de Sjnaake en boewt hae mit aan de dekors veur de Zittesje Revuu. Ouch boewt Nick mit aan de waages veur ’t Oktoberfees wo hae vast ‘Wage-èngel is bie de waage van Miss Oktoberfeest.
Nick is de zoon van Sjohn Smeets en Linda Talman. Zie höbbe häöm op jonge laeftied betrokke in ’t vereinigingslaeve en de tradieses van de Zittesje Vastelaovend mit de paplaepel mitgegaeve. De pap Sjohn Smeets, bekend es leidjessjriever en lid van De Sjnaake, woort in 2001 benuimp pès Ridder in de Orde van de pappegey veur zien tomeloze inzat veur de Zittesje Vastelaovend. De mam Linda Talman leerde Nick zien eige Vastelaovespèkskes te ontwerpe en make.
De insjallase van de aankommende Hoogheid zal plaatsjvènje tiejes de Plök en Vaere-zitting op zaoterdig 6 jannewari 2024 in ’t Forum.
Foto: De Marotte Zitterd