Benuimp pès Sjtadsprins van Zitterd 2025 is d’n heer Wout Vaasen. Ziene hoogheid zal regeiere euver ’t Marotteriek en d’n eeuwen-awwe Zittesje Vastelaovend onger de naam Sjtadsprins Wout I.
Wout haet ein passie veur meziek mit veural ’t sjlaagwirk. Zo is hae lid van de drumband van de Philhermenie, wo hae ouch sjlaagwirk sjpeelt bie de hermenie. Wiejer is Wout onger mee drummer bie de Philharmoniker en lid van Kapel Aafsjlaag Zitterd. Ouch is Wout al ein aantal jaore de drummer bie Trööt in de Gööt, wo ouch zien pap Herbert bie sjpeelt.
De insjtallase van de aansjtaonde hoogheid zal plaatsjvènje tiejes de Plök & Vaerezitting op donderdig 28 november in de Sjtadssjporthal. Vanaaf dan zal hae offesjeel regeiere euver ’t Marotteriek es Sjtadsprins Wout I.