1993: Sjtadsprins Joep VIII (Wijnands)

Motto Sjtadsprins Joep VIII:
Ich ben greutsj en blie dat ich hie sjtaon,
In ’t jaor dat de Marotte 111 jaor besjtaon.
Dat geef mien prinssjap ekstra glans,
En veer sjnappe os alleney de kans.
Om van deze Vastelaovend get bezunjers te maake,
Saame mit alle mechelkes en sjnaake.
Ei fees veur jonk en auwd,
In de sjtad woo ich zoovool van hauwt.

Jubbelei: 111 Jaor Marotte Zitterd

Jaororde:
111 jaor Marotte, de Taores van Zitterd

Ridder in de Orde van de Pappegey:
• Dhr. Jos Bitsch, Veurzitter kommitee 111 jaor Marotte
• Dhr. Heinz Spiker, Senaatspresident Grosse Köllner, Kölle (D)

Meziek:
Sjlaager: Hie vleige noe de vonke oet de pan
CD: 111 jaor vleige hie de vonke oet de pan

Optoch:
Oetsjlaag Groote Optoch
Vastelaoveswaages

Bezunjerhede:

• Al op 7 November is de oetruipingsaovend wo Joep Wijnands wurt oetgeroupe pes jubbelei Sjadsprins
• De Marotte besjaon 111 jaor. Dit jubbelei wurt geviert in November mit ein fees 3daagse in de Sjporthal, mit eine Zittesje aovend mit de insjtelase van Jubbelei Sjtadsprins Joep VIII, grote jubbelei zitting mit oetreiking van de Orde van de Gulden Humor, ein Heilige mès en ein resepse.
• Bie gelaeg van ’t Marotte jubbelei is in museum Den Tempel is ein tentoonsjtelling euver de Marotte.
• Hein Bovendeaard, Harie Bronneberg, Nico Jessen, Jo Kreukels en Jan Schrader sjrieve de kroniek “De Marotte en ’t volk van Zitterd” euver de historie van 9×11 jaor Marotte (1981) pès 111 jaor Marotte (1993).
• Ad Pfennings wurt door de Samewirkende Limburgse Vastelaovesvereiniginge (SLV) ongersjeije mit de hoogste Limburgse Vastelaovesongersjeijing, de Orde van de Gulden Humor.
• Op Vastelaoveszaoterdig wurt ’t Vastelaovesmonument onthuld op de houk Hèlsjtraot-Walsjtraot. ’t Kunswerk is ontworpe door kunstenaeres Desireé Tonnaer.