Zittesje leidjes in de 2e hawf-finale van LVK 2025

2025 Meziek

Vriedig 17 Jannewari is de tweede hawf-finale van ’t LVK 2025. In dees tweede hawf-finale sjtaon twee veur Zitterd oetkommende leidjes.

Mit sjtartnómmer 35 sjteit in dees tweede hawf-finale ’t trio Koeraasj mit ‘t door Guus Steinen gesjreve leidje ‘De knäöre en Sjäöre Wals’. Koeraasj besjteit oet de zengesj Jan van Daal, Ron Hunnekens en Maike Spee.

De tweede veur Zitterd oetkommende zeen de LVK debutante De InterLimbo’s mit ‘De Solonaise’. De tesk van ‘De Solonaise’ is gesjreve door Jacqueline Schmeitz (DJacky) mit meziek van Johny Vosdellen. De Interlimbo’s is ein veur Zitterd oetkommende samewirking tösje Zitterd, Kirchroa en ’t Belzje Laoneke. De InterLimbo’s höbbe sjtartnómmer 37 in de tweede hauf-finale van ’t LVK 2025.

De 2e hawf-finales van ’t LVK wurt vriedig 17 Jannewarie oetgezonje op L1TV en L1Radio tössje 18.00oere en 20.00oere en wurt herhaalt op zaoterdig 18 Jannewari tössje 13.00 en 15.00oere.

Help Koeraasj en de InterLimbo’s nao de finale van ’t LVK door te sjtömme.
Om te sjtömme op Koeraasj SMS: LVK [spatie] 35 nao 4004
Om te sjtömme op InterLimbo’s SMS: LVK [spatie] 37 nao 4004

Sjtömme kent vriedig 17 Jannewari tösje 20.00 en 20.30oere en zaoterdig 18 Jannewari tössje tössje 15.00 en 15.30oere.

Gesjömp kènt waere op maximaal 3 unieke leidjes per oetzending. Veur jeedere sjtöm deint dan ein apaart SMS-berich gesjik te waere. Sjtömme kènt zowaal nao de oetzending op vriedig es nao de herhaling op zaterdig. Sjtömme eerder of later dan genuimde tiedsjtippe tèle neit mit.

Mee infermase euver ’t LVK is te vènje op de website van Stichting LVK.

Koeraasj ‘De Sjäöre en Knäöre Wals’
De IntrerLimbo’s ‘Solonaise’