Sjtadsvastelaovesvereiniging De Marotte Zitterd organezeiert op zaoterdig 28 september in de Optochhal aan ’t Fischerpaad ’t Zittesj Vastelaovesleidjes Konoer (ZVK). Naeve de kattegrie orzjineel krig ’t ZVK dit jaor mit de covers ein extra en gans nuuj kattegrie.
De aovend wurt tradisjoneel aafgetrap mit de Marottesjlager van ’t aafgeloupe sezoen. Tiejes de Alaaf-trap van veurigjaor woort ’t leidje ‘Ich Aom Zitterd’, gezonge door Nigel Tummers en Luc Eijkenboom, gekaoze pès Marottesjlager 2024. De wènnende sjlager van veurig sezoen waar gesjreve door Theo Wezenberg.
Dit jaor gaon 11 ingezonje leidjes ongerling de sjtreid aan veur de tittel Maottesjlager 2025 en taeves jubbeleisjlager 13×11 jaor Marotte Zitterd. Tiejes ’t ZVK waere door sjurie en pebliek de drie leidjes gekaoze die doorgaon nao de finale van ’t ZVK tiejes de Alaaf-trap van ’t sezoen op zaoterdig 16 november e.k. Aan de sjriever van de wènnende sjlager zal dan de Thei Hunnekens Wisseltrofee waere oetgreik. Tiejes de aovend in op Optochhal waere, naeve ’t keize van de drie finaliste, de prieze oetgereik veur “Bèst nuujkommer” en “’t Meis Zittesj Element”.
Sjtartvolgorde Kattegrie Orzjineel:
1. Vastelaovesvierderskriebels
Teks: Marilou en Steve van Dungen
Meziek: Marilou en Steve van Dungen en Mark Courage
Zangk: Twenty-Two
2. Eine daag neit Gelache
Teks en Meziek: Theo Wezenberg
Zangk: Jan Janssen
3. Plök d’n daag (1)
Teks: Sjohn Smeets, Meziek: Gian Prince
Zangk: Cyrille Niël, Nigel Tummers en Luc Eijkenboom
4. Köpke wie ein töpke
Teks: Peter Schaeks, Meziek: Guus Kitzen
Zangk: De Dörpelmaeg
5. Plök d’n daag (2)
Teks en Meziek: Reinhard Wind
Zangk: Joyce Frusch-Schaekens
6. Sjtad van gekke sjlaeg
Teks en Meziek: Thei Wessels
Zangk: Fieny Cals
7. De sjäöre en knäöre Wals
Teks en Meziek: Guus Steinen
Zangk: Koeraasj
8. Plök d’n daag (3)
Teks: Patrick Werdens, Meziek: Maurice Indemans
Zangk: Dette & Maurice
9. Dat is noe einmaol zo
Teks: Bryan Cloots, Meziek: Mark Courage
Zangk: Bryan Cloots
10. Plök d’n daag (4) – De zon sjient veur jederein
Teks en Meziek: Rob Hodzelmans
Zangk: Les de Groot & Rob Hodzelmans
11. Plök d’n daag (5)
Teks: Theo Weijman, Meziek: Mark Willems
Zangk: Thierry Dirkx
Coverkattegrie
Nuuj dit jaor op ’t ZVK is de kattegrie covers, nuuj Zittesje tekste gesjreve op besjtaonde meziek. De kattegrie covers is eine lossjtaonde leidjeswedsjtried, wobie de wènnaar tiejes ’t ZVK in de optochhal wurt gekaoze door sjurie en pebliek. De wènnesj maoge optrae bie Vrunj van Vastelaovend Live tiejes ’t jubbeleiweekend 13×11 jaor Marotte Zitterd.
De volgende vief leidjes zeen de deilnummesj aan ’t eesjte ZVK coverkonkoer:
1. Vastelaoves Versjlaaf
Zangk: Twenty-Two
Orzjineel: Jägerbomb – Russo & René Karst
2. ’t Zittesj Landj
Zangk: Joyce Frusch-Schaekens
Orzjineel: De Overkant – Suzan & Freek
3. De kraom geit toe
Zangk: De Marmotinnekes
Orzjineel: Waterloo – ABBA
4. Hey Zitterd
Zangk: Peter Schaeks
Orzjineel: Hey Kölle – Höhner
5. Nonnevotte
Zangk: De Marmotte
Orzjineel: Mama Mia – ABBA
De deure van de Optochhal aopene zaoterdig 28 september om 19.00oere. ’t Pregram van ’t ZVK sjtart om 20.11oere. De entree is gratis!
Bron: De Marotte Zitterd
Foto: Beeldfragment YouTube
