De Marotte Zitterd höbbe de insjrieving veur ’t Zittesj Vastelaovesleidjes Konkoer geaopend. De opzat blif geliek aan veurig sezoen, wobie ’t ZVK besjteit oet ein veurronje in september en de finale tiejes de Alaaf-trap van ’t sezoen op de Zittesje Mert.
Nuuj dit jaor is dat ’t ZVK ein nuuj kattegrie krieg. Vanaaf dit sezoen is ’t namelik ouch muigelik om covers in te sjikke. Mit dees kattegrie wille De Marotte luuj die waal tekste kènne sjrieve, mèr geine meziek ein podium gaeve.
Net es bie de veurige edisie wurt tiejes de veurronje oet de deilnummesj in de kattegrie orzjineel de top 3 gekaoze. Oet dees top 3 wurt tiejes de Alaaf trap van ’t sezoen, dit jaor op zaoterdig 16 november, door ’t Volk van Zitterd de martottesjlager 2025 gekaoze. Aan de wennende sjreiver wurt dan de Thei Hunnekens Wisseltroffee oetgereik.
Insjrieve veur deilname van ’t Zittesj vastelaovesleidjes Konkoer kènt pès 1 juni 2024. De insjriefformeleiere en ’t reglement van ’t Zittesj Vastelaovesleidjes Konkoer zeen te downloade via de websait van De Marotte Zitterd.
Reglement liedjesconcours 2024-2025 cat ORIGINEEL
Reglement liedjesconcours 2024 – 2025 cat COVERS
Inschrijfformulier liedjesconcours 2024-2025 – cat ORIGINEEL
Inschrijfformulier liedjesconcours 2024-2025 – cat COVERS
Belangrieke data:
- 1 Juni: sjloeting insjrieving ZVK
- 7 juni: infermaseavond veur deilnummesj
- 28 september: veurronje en coverkonkoer
- 16 november: finale ZVK
Bron: De Marotte Zitterd
Foto: RBZitterd/VastelaovendZitterd
