Bie de äöpening van ’t Vastelaovessezoen op 11 november is ’t leidje ‘Ich Aom Zitterd’ gekaoze pès Marottesjlager 2024. De sjlager wurt gezonge door de debuteierende zengesj Nigel & Luc en is gesjreve door Theo Wezenberg.
Van de sjlager is ein videoclip gemaak mit mirking van onger anger De Marotte Zitterd mit Sjtadsprins Nick II, Radio Nonnevot, Convent van Neit Prinse, De Moelerie, Hermenie Sint Joep, Philhermenie en väöle Zittesje Vastelaovesvierdesj. De opname van de videoclip vonje plaatsj in Kafee ’t Sjterfhoes. De videoclip is te bekieke baovenaan dit berich.
De Marottesjager ‘Ich Aom Zitterd’ is same mit versjèllende anger finaliste van ’t Zittesj Vastelaovesleidjes Konkoer te beloestere op de nuuj Marotte CD. Dees CD te koup in de Marottewinkel. Daonaeve zeen de leijdes van dit jaor te beloestere via de bekende streamingsdeinste en komme ze reigelmaotig veurbiej op Radio Nonnevot.
Video: Marotte TV / Marotte Zitterd
