Vastelaovesmaondig: Tröötekonkoer

2024

Vastelaovesmaondig is in Zitterd tradisjoneel de daag van de Kapelle en Zaate Hermeniekes. De Zittesje kapelle laote deze middig hun muzikaal klanke klinke op de Mert en in de bènnesjtad.

’t Tröötekonkoer sjtart om 14.33oere op de Mert mit ein groot samesjpel van alle deilnbummende kapelle. Bie dit samesjpel kènt jeederein mit ein instrument mitdoon. Zeet geer gein lid van ein van de kapelle, mèr höb geer waal ein instrument? Kom dan Vastelaovesmaondig om 14.33oere nao de Mert en sjpeel mit bie dit groot samesjpel. De pertieje zeen te downloade via de website van De Marotte Zitterd

Nao de äöpening zulle de ganse middig de Zittesje kapelle en Zaate Hermeniekes aafwisselend sjpele op ’t podium op de Mert. Daonaeve trèkke de kapelle door de bènnesjtad wo zie sjpele binne en boete bie de Zittesje kafees.

Tösje de optraës van de kapelle brènge de Marotte mit Sjtadsprins Nick II ein bezuik aan ’t Tröötekonkoer en zènge Nigel & Luc de Marottesjlager ‘Ich Aom Zitterd’. ’t Tröötekonkoer wurt dit jaor aafgesjlaote mit ein konsèr vol sjektakel van de bekende band Wir Sind Spitze.

De volgende Kapelle en Zaate Hermeniekes zulle deilnumme aan ’t Tröötekonkoer: de Marottekapel, Zaatefanfaar Nootsj Biejein, Aafsjlaag Zitterd, TisNiksenTwurtNiks, De Sjwaegelebend, Kapel Hou op die Kis en Sjtadskapel ’t Trumke en ’t Tröötje.

Bron: De Marotte Zitterd
Foto: RBZitterd-VastelaovendZitterd