Sjtadsvastelaovesvereiniging De Marotte Zitterd viert dit sezoen ‘t 13×11 jaorig jubbelei. Dit jubbelei wurt groots geviert tiejes ’t Plök de Daag Jubbeleiweekend van donderdig 28 november pès 1 december 2024 in de Zittesje Sjtadssporthal.
Es sjloetsjtök van ’t jubbeleiweekend is op zondig 1 december vanaaf 14.00oere ein sjpisjaal BÈNNE edisie van ’t KANÓN VAN ‘T BALKÓN. Tiejes dit evenement zal de top van de Limburgste artiste op ’t podium sjtaon en d’r ein groots knallend fees van make. Zo zulle onger mee John Tana, Spik & Span, Bjorn en Mieke, Henk en Ton, ’t Graotekoeër, W-Dreej, Big Benny en Wir Sind Spitze! optraë.
Sjpisjaal actie veur ’t Kanón van ’t Balkón 2025
Veur alle bezuikesj van ’t Kanón van ’t Balkón Bènne höbbe De Marotte Zitterd eine sjpisjale actie. Jeeder bezuiker van ’t Kanón van ’t Balkon Bènne krig eine sjpisjale voucher womit zie zekerheid höbbe dat zie kaarte kènne koupe veur ‘t tradisjoneel Kanón van ’t Balkón op Vastelaoveszoaterdig 1 meert 2025. Dit omdat de unieke code op de voucher toegang geef pès de veurverkoup van de kaarte veur ’t Kanón van ’t Balkón veurdat de grote online kaartverkoup sjtart. Doel hievan is om de lokale Vastelaovesvierders veurrang te gaeve die de kaartverkoup van ’t Kanón van ‘t Balkón.
Dus: Wèlt geer zeker aanwezig zeen bie ’t Kanón van ’t Balkón 2025? Kom dan nao ’t Kanón van ’t Balkón Bènne en geniet twee maol van ein groots Vastelaovesevenement mit de beste Limburgse Vastelaovesartiste.
Kaarte veur ’t Kanón van ’t Balkón Bènne op zondig 1 december 2024 zeen te koup via de volgende link: https://www.ticketcrew.nl/tickets/marotte.
Kom mit dit entreebewies op zondig 1 december 2024 om 14.00oere nao ’t Kanón van ’t Balkón in de Sjtadssjporthal. Bie de ingangk van de Sjtadssporthal ontvangk geer de voucher. Op dees voucher sjteit eine unieke code en de instructies om de kaarte veur ’t Kanón van ’t Balkón op zaoterdig 1 meert te koupe.
Bron: De Marotte Zitterd
Foto: De Marotte Zitterd / Studio MarQ
