Tiejes de Alaaf-trap van ’t sezoen is Wout Vaasen oetgeroupe pès 92e Sjtadsprins van Zitterd. Ziene Hoogheid zal regeiere euver ’t Marotteriek es Sjtadsprins Wout I.
Wout haet ein passie veur meziek mit veural ’t sjlaagwirk. Zo is hae lid van de drumband van de Philhermenie, wo hae ouch sjlaagwirk sjpeelt bie de hermenie. Wiejer is Wout onger mee drummer bie de Philharmoniker en lid van Kapel Aafsjlaag Zitterd. Al ein aantal jaor is Wout de drummer bie Trööt in de Gööt, wo ouch Prinsepap Herbert bie sjpeelt.
Saer twee jaor wurt de nuuje Sjtadsprins oetgroupe tiejes de Alaaf Trap. Veuraafgaond aan de oetrouping wurt de aankomende Hoogheid in eine sjtoet, gemaskeierd gezaete op ziene troon, vanaaf de sjtaase nao de Mert gebrach. Groot waar dan ouch de verwonjering toen bie de oetruiping bleek dat neit de gemaskeierde man op de troon de nuuje hoogheid waar, mèr Wout Vaasen dae geweun tössje zien mede muzikanten van de Philhermenie op de Mert sjtong.
De insjtallase van de aansjtaonde hoogheid zal plaatsjvènje tiejs de Plök & Vaerezitting op donderdig 28 november in de Sjtadssjporthal. Vanaaf dan zal hae offesjeel regeiere euver ’t Marotteriek es Sjtadsprins Wout I.
