Op gounsdigmiddig 31 jannewari is in de grotezaal van ’t Toon Hermans Theater de 13e edisie van de Seniorezitting. De organezase van dees zitting is in gezamelijke henj van de Zonnebloem Sittard en Sjtadsvastelaovesvereiniging De Marotte Zitterd. Zie prizzenteiere eine gezéllige middig vol zangk, dans, humor en sjoenkele. Bie bènnekoms waere de bezuikesj ontvange door Sjtadsprins Nick II, Vorst Marot Joep en aafdeilingsveurzitter van de Zonnebloem Jack Vahsen.
De zitting sjtart mit ein optraë van Frans Theunisz wonao Dance crew Devotion, onger leijing van Astrid Offermans, ’t pregam zal vervolge. Hienao volge veur de pauze nog ’t Kènjerleidje “Vastelaovend is mien dènk” door ’t Lommerichse trio Sam, Saar en Lola en buuttereedner Jan Geraedts mit de kampioensbuut ‘De Sjtierevechter”.
Nao de pauze, wo jeedere buizeker ein komsumpsie krig aangebao, volge Cyrille Niël achter de piano, ein tweede optraë van Dance crew Devotion en Nigel & Luc mit de Marottesjlager ‘Ich aom Zitterd!’. ’t Pregram wurt aafgesjlaote mit de keuningin van ’t Limburgse leed Beppie Kraft die de zaal zal laote mitzènge en sjoenkele.
De muzikaal omliesting van de zitting is in de vertroewde henj van de Marottekapel onger leijing van Herman Raadschelders. De prizzentase is in henj van de dames Nicole Schurgers en Hilde Coumans.
’t Pregram sjtart om 14.00 oere en doert pès ongeveer 17.15 oere. Kaarte kostre €17,50 per persoon, dat inklusief ein komspumsie onger de pauze, garderobe en ein nonnevot nao aafloup. Ein beperk aantal kaarte is nog verkriegbaar bie ’t Toon Hermans Theater en via e-mail: seniorenzitting@gmail.com.
Bron: Toon Hermans Theater
Foto: Arjen Krijntjens
