Tiejes de Alaaf-trap van ’t sezoen op de Zittesje Mert waar de finale van ’t Zittesj Vastelaovesleidjes Konkoer mit de verkeizing van de Marottesjlager 2025. Pés Marottesjlager 2025 en daomit Jubbelei sjlager 13×11 jaor De Marotte Zitterd is gekaoze ’t leidje ‘Plök de Daag’, gezonge door ‘t trio Cyrille Niël, Nigel Tummers en Luc Eykenboom. De teks van de nuuje sjlager is gesjreve door Sjohn Smeets mit meziek van Gian Prince. Veur Sjohn Smeets en Gian Prince is ’t de 12e maol dat zie de ’t Zittesj Vastelaovesleidjes Konkoer weite te wènne.
De wènnende sjlager is gekaoze door alle aanwezige op de Mert die hun sjtöm koosjte oetbrènge via de Radio Nonnevót-app. Onger ein groot applaus van de väöle luuj oppe Mert woort aan de sjrievesj Sjohn Smeets en Gian Prince en de zèngesj Cyrille, Nigel & Luc de Thei Hunnekens Wisseltroffe oetgereik.
De twee anger finaliste ware ‘Eine daag neit gelache’ gezonge door Groot Vorst Jan Janssen (2e plaatsj) en ‘Plök de Daag’ gezonge door vader en dochter Maurice & Dette (3e plaatsj).
De wènnende sjlager en de nómmesj twee en drie zeen bènnekort te beloestere via versjèllende streamingsdeinste en natuurlik zal de top 3 reigelmaotig veurbie komme op Radio Nonnevót.
Foto en Video: RBZitterd-VastelaovendZitterd
