De nuuje Vastelaovessjlagesj van De Marotte Zitterd veur ‘t jubbelei sezoen zeen vanaaf noe te beloestere via de bekende streamingsdeinste. De leidjes zeen op de streamingsdeinste te vènje door te zuike op ‘Marotte Zitterd’ of ‘Plök de Daag’. De opname van de leidjes is gedaon bie de Zittesje Studio Veier. De biebeheurende aafbeelding is ’t jubileilogo 13×11 jaor Marotte Zitterd, ontworpe door Marc Webers van studio MarQ.
’t Eesjte leidje is natuurlik de jubbelei Marottesjlager ‘Plök d’n Daag’ gezonge door Cyrille Niël, Nigel Tummers en Luc Eijkenboom. Tiejes de Alaaf-Trap van ’t sezoen waar de finale van ’t Zittesje Vastelaovesleidjes Konkoer, wobie ‘Plök d’n Daag’, gesjreve door Sjohn Smeets en Gian Prince’ is gekaoze pès Marottesjlager. Naeve de nuuje sjlaager is te beloestere de nómmer twee ’t Zittesj Vastelaovesleidjes Konkoer ‘Eine daag neit gelache’ gezonge door Groot Vorst Jan Janssen en de nómmer 3 ‘Plök de Daag’, gezonge vader en dochter Maurice en Dette Indemans.
’t Marotte Kènjerleidje van dit jaor ‘Appelesiene!’ wurt gezonge door veier mechelkes van Kèndjcentrum Zitterd. Mit dit leidje sjtaon zie in de finale van Kinger Vastelaovend Leedjesfestival. Wiejer zeen digitaal oetgebrach en opgenomme de nuuje 13×11 jaor Marotte Jubelmedley en ein instrumentale versie van ‘’t Haw zo sjoon kènne zeen’. Bezunjer is ’t letste leidje ‘Ode aan Sjef’, ein door Sam Verbeek gezonge ode aan de aafgeloupe zomer euverleje Sjef Schurgers.
Spotify:
Aafbeelding: Jubileilogo 13×11 jaor Marotte Zitterd, ontwerp: Marc Webers
