Vastelaovesdaendig is tradisjoneel de daag ’t Appelsienesjmiete. Nao ’t sukses van veurig jaor wurt ’t appelsienesjmiete dit jaor weier gekombineiert mit ’t evenement Kènjer Carnivale. De kombenase van ’t tradisjoneel Appelsienesjmiete en ’t nuuje Kènjer Carnival maak de Vastelaovesdaensdig nog mee pès ein richtige daag veur de kènjer.
Tiejes Kènjer Carnivale prizzenteiere De Marotte vanaaf 14.00 oere ein pregram oppe Mert mit danse, zènge en sjpas make same mit eur kènjer of kleinkènjer. Op ’t pregram sjteit eine Sing-a-long mit Beppie Kraft, Vastelaovesbeats van DJacky, de KVL wènnesj Sam, Saar en Lola, Nigel & Luc mit de Marottesjlkager ‘Ich Aom Zitterd’, Petro & Maurice en Dans van Swentibold, Danzaira, Urban Dance Factory en dancestudio On Fire. Sjpisjale gas deze middig is Jeugdprinses Joëlle I van C.V. de Kempernaaze.
Natuurlik zeen ouch de tradisjonele Appelsienesjmietesj prezént bie Kènjer Carnviale. Dees verkleide maskes en ‘hoeraes’ zulle oppe Mert en in de bènnesjtad doezende appelsiene ‘sjmiete’ nao de mechelkes en sjnaake. De kreet ‘Appelesiene, appelesiene, appelesiene’ zal dan ouch weier väöl door Zitterd klinke.
Nuuj dit jaor is de Gouwe Appelsien. Wae de gouwe appelsien vèngk maag bie de volgende runj mit sjmiete op ’t podium.
Bron: De Marotte Zitterd
Foto: RBZiterd-VastelaovendZitterd
