Sjtadsvastelaovesvereiniging De Marotte viert kommend sezoen ‘t 13×11 jaor jubbelei. In de Zittesje Sjtadssjporthal is van donderdig 28 november pés zondig 1 december onger ’t motto ‘Plök de Daag’ ein groots Jubbeleiweekend mit optraës van artiste van de top van de Vastelaovesplank.
’t Plök de Daag Jubbeleiweekend sjtart op donderdig 28 november mit de Plök & Vaerezitting. Tiejes dees zitting sjteit de insjtallase van de 92e Sjtadsprins centraal en wiejer de Grosse Nómmer van de Auwt Prinse ein ein optraë van Beppie Kraft. Vriedigaovend 29 november geit ’t fees wiejer mit Vrunj van Vastelaoved Live! Ein broesjende en dynamische sjoow mit regionale en lokale artiste mit hun eige rippertoir en bekende hits in ein Zittesj Jeske.
Zaoterdig 30 november wurt euverdaag in samewirking de SLV de Gulden Humor oetgereik aan Lex Uiting. Saoves geit ’t fees in de Sjtadssjporthal wiejer mit de Kölsche galzitting mit optraes van onger mee de bekende Kölsche band De Bläck Fööss en de top van de Limburgse Vastelaovesartiste. ’t Jubbeleiweekend wurt zondig 1 december aafgesjlaote mit de ’t Kanón van ’t Balkón Bénne. Bekende Limburgse artiste zulle deze middig zörge veur ein knalle sjlot van ’t Plök de Daag Jubbeleiweekend 13×11 jaor Marotte Zitterd.
De kaartverkoup veur ‘Plök de Daag’ Jubbeleiweekend sjtart op zondig 1 september via de website van De Marotte Zitterd.
Bron: De Marotte Zitterd
Foto: De Marotte Zitterd, Ontwerp StudioMarq.nl
