Jubelei 4x 11 jaor Prinsegarde Zitterd

2024
De jubbeleierende Prinsegarde Zitterd

De Prinsegarde Zitterd viert dit jaor häör 4x11jaorig jubelei. Dit viere zie mit eine jubelei-aovend op zaoterdig 13 jannewari in ’t Jochem Erenshoes aan ’t Kloosterplien in Zitterd.

Tössje 19.00 en 21.00oere is jeederein in de gelaeg om tiejes de resepse de jubeleierende vereiniging te fillesetiere en in ’t bezunjer de jubelarisse René Guit (2×11 jaor), Huido van den Heuvel (1×11 jaor) en Patrick van Ham (1×11 jaor).

Nao aafloup van de resepse is nog eine gezèllige aovend om same eine te drènke mit optraës van versjellende Zittesje artiste.

Foto: Prinsegarde Zitterd