Donderdig 28 november waar tiejes ’t Plök de Daag jubbeleiweekend 13×11 jaor Marotte Zitterd de Plök en Vaerezitting. Tiejes dees zitting woort door de Auwt Prinse Zitterd de befaamde Grosse Nómmer op de buun gebrach.
Mit de Grosse Nómmer numme de Auwt Prinse Zitterd de pas geplökte ex Sjtadsprins op bènne hun vereining. In de Grosse Nómmer wurt mit Zittesje laammaekerie en sjerpe humor gekeke nao ’t Prinssjap van Sjtadsprins Nick Smeets, mèr ouch nao de aktualiteit en polletik. Mennig bekènde Zitterder, TV prominente en zelfs hoog Amerikaans bezuik woort door De Auwt Prinse op de buun gebrach. Aan ’t enj van de Grosse Nómmer kreeg ex-Sjtadsprins Nick II de Auwt Prinsemötsj opgezat womit hae offesjeel lid woort van de Auwt Prinse Zitterd.
Marotte TV leet uch nog èns de complete Grósse Nómmer zeen.
Foto: beeldfragment YouTube
Video: Marotte TV
