Tiejes de Seniorezitting van De Marotte Zitterd is Groot Vorst Fernao Schmeits geëerd mit de Orde van Verdeinste van de SLV. Names de 17 lidvereiniginge van de Samewirkende Limburgse Vastelaovesvereiniginge (SLV) höbbe de besjtuurslede Eric Voncken, Paul Göttgens en Max Ruiters de biebeheurende oorkonde oetgereik.
Groot Vorst Fernao is 4×11 jaor lid van De Marotte. Eesj es vise-vorst en in 1981 haet hae toenmalig Vorst Marot Lei Meijers opgevolg. Tiejes zien Vorstsjap haet Fernao 14 Sjtadsprinse oetgeroupe, 19 Riddesj in de Orde van de Pappegey en 2 Kommandeurs in de orde van de Pappegey benuimp. Nao zien aaftraë es Vorst Marot in 1997 is hae benuimp pès Groot Vorst van De Marotte Zitterd.
Vastelaovend in Fernao en Fernao is Vastelaovend. Nog altied is Fernao prezènt bie biena alle Zittesje Vastelaoves aktiviteite. Fernao is ouch ere-lid van ’t Opotch Kommitee Zitterd, is hae benuimp pès Ere-Senator van de Grosse Kölner en woort hae in 1992 benuimp pès ere-lid van de SLV.
Veur ziene grote inzàt veur de Zittesje en Limburgse Vastelaovend vonj de SLV de Seniorezitting ein gesjik moment om Fernao Schmeits bie gelaeg van zien 4×11 jaorig jubbelei es lid van De Marotte te ere mit dees Orde van Verdeinste.
Bron en Foto: SLV-LImburg
