Vastelaovesdaendig waar op de Zittesje Mert de 2e edisie van Kènjer Carnivale in kombenase mit ’t tradisjoneel Appelsienesjmiete. Kènjer Carnivale is ein evenement van De Marotte Zitterd dat sjpisjaal is gerich op de mechelkes en sjnaake.
Väöle mechelkes en sjnaake mit auwwesj en opa’s en oma’s ware deze middig aanwezig op de Mert. Zie genaote van optraës van versjèllende Dansgroppe, zangk van de KVL wènnesj Sam, Saar en Lola, Maurice & Petro, Jesse & Jesse en es aafsjloeter Beppie Kraft.
Tösje de optraës door sjmete de väöle appelsienesjmietesj gezamelik op ’t podium en rondj de Mert doezende appelsiene nao de mechelkes en sjnaake.
Mit eine goud gevölde Mert, eine top Vastelaovessfeer en väöle mechelkes en sjnaake kènt trök waere gekeke op ein gesjlaagde edisie van Kènjer Carnivale. Ouch deze Vastelaovesdaensdig Aomde Zitterd weier Vastelaovend.
Foto’s: RBZitterd-VastelaovendZitterd
