Sjtadsvastelaovesvereiniging De Marotte Zitterd haet burgemeister Hans Verheijen van de gemeinte Zitterd-Gelaen benuimp pès Ere Commandeur van De Marotte. Dees benuiming vonj plaatsj op zaoterdig 16 november tiejes de Alaaf Trap van ’t sezoen op de Zittesje Mert.
Dees hoge ongersjeijing van Ere Commandeur wurt door De Marotte Zitterd mér zelde oetgreik. Burgemeister Hans Verheijen is pas de 9e Ere Commandeur van De Marotte. Veurgengesj zeen onger mee Toon Hermans, ZKH Prins Bernard, Ad Pfennings en Sjraar Cox, toenmalig Burgemeister van de gemeinte Zitterd-Gelaen.
Foto: RBZitterd-VastelaovendZitterd
Video: MarotteTV
