De Marottekapel is de hoeskampel van De Marotte Zitterd. Jaorliks verzörge zie de muzikaal omliesting bie versjèllende zitting en sjpele zie in aanloup nao de Vastelaovend in versjèllende bejaarde- en verzörgingshoezer. Bie dees konsèrs sjpeelt De Marottekapel veural Zittesje leidjes van vruiger en noe.
Ouch mit de Vastelaovesdaag leet de Marottekapel häör muzikaalklanke heure. Tradisjoneel doon zie dit tiejes ’t Auwt Wieverkonsèr op de donderdig veur de Vastelaovend. ’t Auwt Wieverkonsèr vèngk plaatsj op donderdig 8 Fibberwari vanaaf 21.11oere in de zaal van kafee ’t Duvelke aan de Helsjtraot in Zitterd. De entree is gratis.
Mitzènge
Es d’r mechelkès en sjnaake zeen die Zittesje vastelaovesleidjes gaer èns live mit de Marottekapel wille mitzènge, dan is d’r bie ’t Auwt Wieverkonsèr in ’t Duvelke ein podium veur. Microfoon en zangtekste zeen aanwezig!
Bron en Foto: Marottekapel
