Mit de feesdaag achter de rögk is ‘t nog mer ein paar waeke pès aan de Vastelaovend.
’t Optochkommitee Zitterd haet ’t digitaal aanmeldjsysteem geäöpend veur ’t insjrieve veur deilname aan de Groote Vastelaovesoptoch op zondig 11 Fibberwari, de Kènjeroptoch op zondig 4 Fibberwarie en de Sjörkarre optoch op Vastelaovesmaondig 12 fibberwari. Insjreive veur deilname aan de optochte kènt allein via ‘t digitaal insjriefformeleier op de website van ’t Optoch Kommitee Zitterd.
Groote Vastelaovesoptoch:
Insjrieve veur deilname aan de Groote Optoch op Vastelaoveszondig 11 fibberwari is verplich. Zonger insjrieving gein deilname. Nao insjrieving ontvèngk geer eesj ein ontvangsbewies en daonao ein bevestiging en goudkeuring. Insjrieve veur deilname aan de Groote Vastelaovesoptoch kènt pès gounsdig 7 fibberwari, 17.11oere via: www.optoch.nl/grote-optocht
Let op: In principe kènt Jeeder motto/idee kènt mèr eine keer per kattegrie in de Groote Optoch veurkomme. Ein idee kènt allein meerdere kere per kattegrie veurkomme es de oetwirking angesj is. Wach dus neit te lang mit insjrieve om zeker te zeen van deilname!
Kènjeroptoch:
Jeederein kènt deilnumme aan de Kènjeroptoch. Deilnummesj motte zich veuraaf aanmelje via de website van ‘t Optoch Kommitee Zitterd. Aanmelje veur deilname aan de Kènjeroptoch op zondig 4 Fibberwarie 2024 kènt pès vrieidig 2 fibberwari ,17.11oere via: www.optoch.nl/kinder-optocht
Omdat ’t Optochkommitee ’t muigelik wèlt blieve make om sjpontaan aan de Kènjeroptoch deil te numme is insjrieve ouch nog muigelik op de zondig van de Kènjeroptoch tössje 12.30 en 13.00 oere op ’t terrein van de opsjtèlling.
Sjörkarre optoch:
Jeederein kènt en maag mittrèkke in de sjörkarre optoch op Vastelaovesmaondig. Kom Vastelaovesmaondig 12 fibberwari om 20.00oere mit eur sjörkar nao ’t Krikplien bie Kafee ’t Sjterhoes ein trèk mit. Om veuraaf ein beeld te kriege van ’t aantal deilnummesj verzuik ’t Optoch deilnummesj om zich aan te melje via: www.optoch.nl/sjorkarreoptoch
Bron: Optoch Kommitee Zitterd
Foto: RBZitterd / Vastelaovendzitterd
