In ’t aankommende Vastelaovessezoen 2024-2025 viere De Marotte Zitterd ’t 13×11 jaorig jubbelei. Tiejes de Sint Joep Mert op 19 meert waar in de Erfgoudzaal van Museum Het Nieuwe Domein de prizzentase van ‘tmotto en pregram veur ’t feesweekend van ’t 13×11 jaorig jubbelei.
’t Jubbelei 13×11 jaor Marotte Zitterd wurt onger ’t motto ‘Plök de daag’ geviert van donderdig 28 november 2024 pes zondig 1 december 2024. Alle aktiviteite vènje plaats in de Zittesje Sjporthal, mit oetzonjering van de Oetreiking van de Orde van de Gulden Humor. Dees wurt op zaoterdigmiddig door de SLV oetgereik in ’t Toon Hermans Theater.
Pregam:
Donderdig 28 november 2024: Plök en Vaerezitting.
Tiejes deze aovend onger mee ’t plökke van regeierend Sjtadsprins Nick II, de Grosse Nómmer van de Auwt Prinse Zitterd en de insjtallase van de jubbelei Sjtadsprins.
Vriedig 29 november 2024: Vrunj van Vastelaovend Live!
Aafgeloupe jaor vónj in ‘t Forum de eesjte edisie van Vrunj van Vastelaovend Live! Plaatsj. Nao de suksesvolle eesjte edisie krig dit evenement ein vervolg in eine nog grootsere opzàt
Zaoterdigmiddig 30 november 2024: Oetreiking Orde van de Gulden Humor in ’t Toon Hermans Theater.
Zaoterdigaovend 30 november 2024: Kölsche Galazitting mit oa de bekende Kölsche band Bläck Fööss.
Zondig 1 december 2024: Kanon van ’t Balkon indoor.
Ein knallend sjlot van ’t jubbelei weekend: De indoor versie van ’t Kanon van ’t Balkon mit optraës van versjèllende Limburgse artiste.
De kaartverkoup veur ’t Plök de Daag Jubbeleiweekend sjtart op 1 september 2024.
Foto: Marotte Zitterd / studiomarq
