Jaorelangk zeen door De Marotte Zitterd de wènnende sjlaagesj van ’t sezoen oetgebrach op geluidsdragesj. Van de eesjte EP’s en LP’s in de jaore ’70 pés ging nao de cassettebendjes en vanaaf de jaore ‘90 de CD’s. De leidjes zeen jaorelangk opgenomme in de bekènde studio van Jan Theelen en zoon en hawwe de kenmerkende ‘Theelen-sound’.
Noe in dizzen tied ummer mee online nao meziek wurt geloesterd waere door De Marotte Zitterd de sjlaagesj allein nog mèr oetgebrach via Streamingsdeinste es Spotify en Deezer. Es geer ein account höb veur ein van dees streamingsdeinste zeen de sjlaagesj te beloestere via de desktop PC of via eine app op de mobiele tillefoon.
Oetgebrach en te beloestere is de top 3 van ’t Zittesje Vastelaovesleidjes Konkoer. De leidjes zeen opgenomme bie de Zittesje Studio Veier. ’t Eesjte nómmer is de sjlaager van dit sezoen ‘Wo brènt noch leich?’, gezonge door Cyrille Niël. De sjlaager is gesjreve door ’t duo Sjohn Smeets & Gian Prince. De nómmer 2 van ’t ZVK ‘Pekske klaor?’ is gesjreve door Guus Steinen en wurt gezonge door Fieny Cals mit koor. ’t Driede leidje is ‘Sjaevelevaeger veur ’t laeve’ gezonge door Lisa & Max Schiffler, gesjreve door Mark Willems (meziek) en Theo Weijman (teks). Naeve de top 3 van ’t Zittesj Vastelaovesleidjes Konkour wurt dit jaor weier ein Kènjervastelaovesleidje oetgebracht. ’t Kènjerleidje van dit jaor mit es tittel ‘Veuroet, Veuroet, Nao Veure’ wurt gezonge door kènjer van OBS Aan de Meule.
Naeve de sjlaagesj van dit jaor zeen versjèllende CD’s en sjlaagesj van de aafgeloupe te via Streamingsdeinste te beloestere. Wiejer zeen versjèllende leidjes van Zittesje zèngesj es Jesse & Jesse online te beloestere.
Foto: De Marotte Zitterd
