De Vastelaovessjlagesj van dit sezoen zeen vanaaf noe te beloeste via de bekende streamingsdeinste. De leidjes zeen opgenomme bie de Zittesje Studio Veier. De biebeheurende aafbeelding is ontworpe door Marc Webers van studio MarQ.
Te beloestere is de top 3 van ’t Zittesje Vastelaovesleidjes Konkoer mit natuurlik de door Nigel en Luc gezonge Marottesjlager ‘Ich Aom Zitterd’. De door Theo Wezenberg gesjreve Marottesjlaager is op de 11de van de 11de door ’t Volk van Zitterd gekaoze. Naeve de sjlaager zeen mit ‘Ich ken d’r neit genog van kriege’ gezonge door Cyrille Niël en ’t door Koeraasj gezonge ‘Veer wille niks misse’ de nómmesj twee en drie van ’t Zittesj Vastelaovesleidjes Konkoer te beloestere.
Naeve de top3 van ’t ZVK zeen door De Marotte Zitterd nog drie anger leidjes van ’t Zittesj Vastelaovesleidjes Konkoer oetgebrach. Daobiej De Dörpelmaeg (beste nuujkommer ZVK) mit ’t leidje ‘Dao komme de Dörpelmaeg’, Fieny Cals mit de ballade ‘Mien Zitterd’ en es letste Angesj dan Angesj mit ’t leidje ‘Nog eine mit de jas aan’.
Naeve de sjlaagesj van dit jaor zeen versjèllende Marotte CD’s en sjlaagesj van de aafgeloupe via Streamingsdeinste te beloestere. Wiejer zeen versjèllende leidjes van Zittesje zèngesj wo ongere Jesse & Jesse mit hun LVK inzending van dit jaor ‘Stayin’Alaaf’ online te beloestere.
Spotify:
Foto: De Marotte Zitterd / MarQ
