’t Optoch Kommitee Zitterd haet bekend gemaak euver welke route de Groote Optoch op Vastelaoveszondig 19 fibberwari zal trèkke. Nao de alternatieve optochroute van aafgeloupe jaor zal de Groote Optoch dit jaor weier trèkke door de bènnesjtad en de winkelsjtraote. De route is geliek aan de letste ‘normale’ Optoch dae in 2019 door de Zittesje sjtraote trok.
De optoch zal vertrèkke vanaaf ’t kruutspunt Leijebroukerwaeg-Pötsjtraot om dan via de Pötsjtraot nao de Mert te trèkke. Vanaaf de Mert geit ’t via de oa Kloosterplien, Ligne en Walramramsjtraot pès aan de sjtaase. Es groote finale trek de Optoch door de winkelsjtraote pès op de Mert, wo de optoch wurt ontbonje.
Groote Vastelaovesoptoch, Zondig 19 Fibberwari 2023
Vertrèk baoveaan de Pötsjtraot om 13.11oere.
Optochroute: Pötsjtraot – Mert – Auw Mert – Kloosterplien – Daeke Tijssesjtraot – Ligne – Ligneplien – Willie Hillensjtraot – Riekswaeg Noord – Euverhaovenersjtraot – Walramsjtraot – Parallelwaeg – Sjtaasedwaesjsjtraot – Sjteivig – Veursjtad – Brandsjtraot – Lömmerichersjtraot – Mert / ontbènjing.
Bron: Optoch Kommitee Zitterd
Foto: RBZitterd-VastelaovendZitterd
