Zondig 12 Fibberwari, de waek veur Vastelaovend, trèk nao veier jaor weier de Kènjeroptoch door de sjtraote van de Zittesje bènnesjtad. De organezeierende stichting Optoch Kommitee Zitterd haet bekend gemaak euver welke route de Kènjeroptoch zal gaon trèkke. De route is geliek aan de letste Kènjeroptoch dae in 2019 door de Zittesje sjtraote haet getrokke.
De opsjtart is op ’t terrein van ’t veurmalig ziekehoes. De Kènjeroptoch vertrèk om 13.33oere en zal trekke via de volgende route: Euverhaovenersjtraot – Riekswaeg Noord – Walramsjtraot – Euverhaovenersjtraot – Sjteivig – Veursjtad – Brandsjtraot – Lömmerichersjtraot – Begienehaofsjtraot – Daeke Tijssesjtraot – Kloosterplien – Auw Mert – Mert – Lömmerichtersjtraot – Meulebaeksjtraot – Nuujsjtraot – Plaksjtraot – Pötsjtraot – Mert (ontbènjing).
