Resepse Sjtadsprins Ruud II
Zaoterdig 7 Jannewari e.k. wurt tiejes de Plök en Vaerezitting van Sjtadsvastelaovesvereiniging De Marotte Zitterd, Ruud Rousseau geinsjtalleiert pès 90e Sjtadsprins van Zitterd. Eine daag later, op Zondig 8 Jannewari, vèngk in ’t Forum aan de Engekampsjtraot de tradisjonele Prinseresepse plaatsj. Deze middig jeederein van harte oetgeneudig om Sjtadsprins Ruud II te filleseteiere mit zien Prinssjap. De resepse, die aan Sjtadsprins Ruud II wurt aangebao door De Senaat, begint om 13.00 oere.
Vorstewissel
Wie eerder bekènd gemaak krig Sjtadsvastelaovesvereiniging De Marotte Ziterd eine nuuje Vorst Marot. De huidige Vorst Marot Jan Janssen zal ein sjtepke trök doon en de scepter euverdrage aan Joep Wijnands.
De insjtallase van Joep Wijnands pès Vorst Marot zal plaatsj vèngk plaatsj aan ’t énj van de Prinseresepse (Zondig 8 Jannwari) in ’t Forum. Nao aafloup van de vorstewissel kriege bezuikesj de meugelikheid om aansjiednummend Vorst Marot Jan te bedanke en Vorst Marot Joep I te filleseteiere.
Mit de vorstewissel kump ein enj aan ’t tiedperk van Jan Janssen es Vorst Marot, dae in 2019 in tieje van crisis ‘in ’t deipe sjprong’. Nao jaore van conflicte tösje De Marotte Zitterd en häör perpluu-vereiniginge (Optoch Kommitee Zitterd, De Auw Prinse en Senaat) wis hae in 2020 ‘t tij dan toch te kere en zörgde hae d’r mit de neudige hulp veur dat de deipe en jaorelange vastelaovescrisis woort bezjwaore. Jan Janssen blif nao zien aafsjeid es Vorst Marot lid van de Wieze Raod van De Marotte Zitterd.
Foto: RBZitterd / VastelaovendZitterd
