Pregram Vastelaovessezoen 2023-2024

2024

Om alvas in de agenda te noteiere ‘t Pregram veur ‘t Vastelaovessezoen 2023-2024 van Sjtadsvastelaovesvereiniging De Marotte Zitterd en de Perpluu vereiniginge (Auwt Prinse, Senaat en Optoch Kommitee Zitterd).

’t sezoen wurt op de 11de van de 11de geäöpent mit ‘De Alaaf-trap’, wobie de 91e Sjtadsprins van Zitterd wurt oetgeroupe en bekend wurt welk leidje de Marottesjlager 2024 geit waere.

In ’t nuuje jaor wurt op zaoterdig 6 Jannewari tiejes de Plök en Vaere regeierend Sjtadsprins Ruud II geplök wonao de nuuje Sjtadsprins wurt geinsjtalleiert. Eine daag later op Zondig 7 Jannewari is de Prinseresepse, wo jeederein de nuuje Sjtadsprins kènt filleseteiere mit zien Prinssjap. Nao de tradisjonele Vrouwluujzitting, Seniorezitting en ‘t Gala-Prinsebal geit ‘t op de Vastelaovend aan mit de Kènjeroptoch, Auw Wieverbal, ’t Kanon van ‘t Balkon, Groote Vastelaovesoptoch, Tröötekonkoer en Kènjer Carnivale mit ’t Appelesienesjmiete.

Ein sjpisjaal evenement op de Vastelaoveskalender dit jaor is op zaoterdig 13 Jannewari ‘t 4×11 jaorig Jubbelei van de Prinsegarde Zitterd.

Vastelaoveskalender 2023-2024

  • 11 November: Alaaf-trap mit oetruiping Sjtadsprins
  • 6 Jannewari: Plök & Vaere zitting
  • 7 Jannewari: Resepse Sjtadsprins
  • 13 Jannewari: 4×11 jaor Prinsegarde Zitterd
  • 14 Jannewari: Vrouwluujzitting
  • 3 Fibberwari: Vrunj van Vastelaovend
  • 4 Fibberwari: Kènjeroptoch
  • 8 Fibberwari: Nach van ‘t Auwt Wief
  • 9 Fibberwari: Sjoliere Vastelaovend
  • 10 Fibberwari: Kanon van ‘t Balkon
  • 11 Fibberwari: Groote Vastelaovesoptoch
  • 12 Fibberwari: Tröötekonkoer
  • 12 Fibberwari: Sjörkarre Optoch
  • 13 Fibberwari: Kènjer Carnivale mit Appelsienesjmiete
  • 13 Fibberwari: Maske Begrave

Mee infermase euver alle eveneménte volg bènnekort.

Bron: De Marotte Zitterd
Foto: VastelaovendZitterd, RBZitterd