Zaoterdig 6 jannewari 2024 is in ’t Forum de Plök- en vaerezitting van Sjtadsvastelaovesvereiniging De Marotte Zitterd. Tiejes dees sfeervolle zitting sjteit de insjtallase van Nick Smeets pès 91e Sjtadsprins van Zitterd centraal.
Veurdat Nick Smeets offesjeel wurt geinsjtalleiert pès Sjtadsprins Nick II wurt eesj aafsjeid genomme van regeierend Sjtadsprins Ruud II. Nao ’t Plökke zal de dan ex-prins Ruud Rousseau opgenomme waere bie de Auwt Prinse. De veurmalige Sjtadsprinse brénge dan hunne tradisjonele Grosse Nómmer, die garant sjteit veur kolder, sjerpe humor en Zittesje laammaekerie.
’t Belaof weier eine gevarieierde aovend te waere mit offesjeel momente, Vastelaovesmeziek, protokol en humor.
Kaartverkoup:
De kaartverkoup veur de Plök- en Vaerezitting sjtart gounsdigmörge 29 november e.k. om 11.00oere via de website van ’t Forum. https://forumsittard.nl/event/de-marotte/ Kaarte koste €15,- per sjtök.
Bron: De Marotte Zitterd
Aafbeelding: De Marotte Zitterd
