Tiejes de Plök en Vaerezitting van Sjtadsvastelaovesvereiniging De Marotte Zitterd is de heer Peet van Erp benuimp pès Ridder in de Orde van de Pappegey. Dees ongersjeiding wurt jaorliks oetgereik aan eine persoon dae väöl veur de Zittesje Vastelaovend beteikent en veur de De Marotte Zitterd in ‘t bezunjer.
Peet van Erp regeierde in 1989 es Sjtadsprins euver ’t Marotteriek en waar jaore langk waageboewer bie de buurt P.P.P. Nao zien Prinssjap is Peet lid gewore van de Auwt Prinse Zitterd wo hae versjèllende jaore sikkretartis is gewaes. Peet waar 11 jaor lid van de Wieze Raod van De Marotte Zitterd onger mee es Protocollis (sikkretaris).
Vanaaf 2013 waar Peet veurzitter van ’t Optoch Kommitee Zitterd. Om ‘t waageboewe veur de toekom in sjtandj te hawte waar Peet ein van de initiatiefnummesj van ’t Kerkesprojek. Bie dit kèrkesprojek boewe kènjer in de optochhal onger begeleidjng aan kèrkes (klein waages) veur de Kènjeroptoch. Aafgeloupe veurjaor haet Peet aangegaeve ein sjtepke trök te doon haet hae aafdsjied genomme bie ’t Optoch Kommitee Zitterd.
Wiejer waar Peet lid van versjèllende huldigingskommitees wo onger van ’t kommitee 12×11 jaor Marotte Zitterd. Waar hae veurzitter van de organezase van de LVK-finale in de Zittesje sjporthal in 2014 en is hae lid van de redaksie van De Pappegey, ’t kolderieke jaorblaad van De Marotte Zitterd. Dit jaor haet Peet van Erp eine waekelikse colomn ‘Kaek op de waek’ bie Radio Nónnevot, wo hae mit ein sjerpe blik kiek nao ’t letste Vastelaovesnuuts oet ’t Marotteriek.
Foto’s: Beeldfragment video & Archieffoto Optoch Kommitee Zitterd
