
Zondig 5 Fibberwari is in Cultureel centrum Don Bosco in Hael de finale van ’t Kinjer Vastelaovend Leedjesfestival (KVL). Dit leidjes konkour is sjpisjaal veur de kénjer in de laeftied van basissjoole.
Ein van de 11 finaliste is de Zittesje basissjool OBS Aan de Meule. Zie sjtaon in de finale mit ’t Marotte kènjerleidje 2023 ‘Veuroet Veuroet Nao Veure’. ’t Leidje is gesjreve door Tom Jaspers.
“Leif Luuj,
Veer zeen kènjer van Openbare Basissjool Aan de Meule oet Zitterd.
Ós leidje heisj Veuroet veuroet nao veure.
D’r doon 28 kènjer mit van groep 2 t/m 8, 6 jongès en 22 maedjes.
Mit dit leidje doon veer neit allein mit aan ’t KVL, mèr ós leidje is auch ’t kènjerleidje van de Marotte oet Zitterd. ‘T is veur ós gesjreeve door Tom Jaspers.
Veer vènje ’t superleuk om te danse en zènge.
Veer wille de luuj laote zeen dat veer ondanks de digitale waereld wo in veer opgruije geweun ouwerwèts vastelaovend kènne viere.
Wènt, al zeen ós pekskes geprint, v’r weite wie me viere kènt!
Veer zeen veur de toekóms klaor en sjprènge wie jeder jaor!
Alaaf
OBS Aan de Meule Zitterd”
De finale van ’t KVL wurt op zondig 5 Fibberwari om 14.30oere laif oetgezonje op L1TV.
Foto: OBS Aan de Meule