’t Maske Begrave dat tradisjoneel op Vastelaovesdaensdigaovend de aafsjloeter is van de Vastelaovend krig dit jaor eine nuuje opzat.
Vanaaf 22.15oere waere de Vastelaovesvierders op de Mert onthaold mit meziek van kapel Noots Biejein en doedelzaksjpeler Roger Pernot. Rondj 22.40 oere zal de kolderieke en hartversjeurende sirremonie beginne op ’t balkon van kafee De Kroon, zodat sjtip om 23.11oere ’t Maske nao onger kènt waere gehaold. Dees symbolische daad wurt verrich door Sjtadsprins Ruud II dae same mit ein aantal Marotte aanwezig zal zeen.
Aansjloetend wurt in eine sjtoet nao ’t Kloosterplien getrokke wo de treurende Vastelaovesvierders ’t Maske bie de gedènkplaat de leste eer kènne brenge.
’t Maske Begrave wurt georganezeierd door de vereiniginge de Mander en Zitterd Same. Wiejer wurt mitwirking verleend door de waageboewesj Luuj mit Plezier, die mit hunne waage ein sjoon dekòr vorme. Scouting Don Bosco en CV Opnuuj Begoosj zulle de sjtoet begeleide.
Bron: Zitterd Same
Foto: RBZitterd / VastelaovendZitterd
