Aan ’t begin van ’t sezoen haet Sjtadsvastelaovesvereiniging De Marotte Ziterd bekend gemaak dat zie eine nuuje Vorst Marot kriege. De huidige Vorst Marot Jan Janssen haet toen aangegaeve ein sjtepke trök te doon. Tiesje de Alaaf-trap van ’t sezoen woort bekend gemaak dat Joep Wijnands is benuimp pès nuuje Vorst Marot.
Op Zondig 8 jannewari vonj nao aafloup van de Prinseresepse in ’t Forum de Vorstewissel plaatsj. Onger leijing van Groot Vors Frits van Beek vonj de sirremonie plaatsj wobie eesj de huidige Vorst Marot Jan Janssen woort geplök om daonao Joep Wijnands offesjeel te insjtalleiere pès Vorst Marot Joep.
Marotte TV haet beelde gemaak van de vorstewissel en van de eesjte toesjpraok van Joep Wijnands es Vorst Marot.
