De 21e edisie van ’t Kanon van ’t Balkon zal op Vastelaoveszaoterdig weier plaatsjvènje op de historische Mert van Zitterd. Op zaoterdig 18 Fibberwari kènne 12.000 luuj van 18.00 pès middernach geneite van ein groot Vastelaovessjpektakel mit väöl meziek en dans. De organezase is in hènj van Sjtadsvastelaovesvereiniging De Marotte Zitterd.
Veur ’t eesj in de historie is ’t neudig om entree te vraoge veur ’t kanon van ’t Balkon. De koste veur ’t organezeiere van evenemente is de letste jaore enorm gesjtege. Om de kwaliteit te kènne waarborge betale de bezuikesj €11,- entree.
Nao de veurverkoup in jannewari zeen d’r nog kaarte vriegekomme. Dees allerlètste kaarte veur ’t Kanon van ’t Balkon zeen zaoterdig 11 fibberwari vanaaf 11.11oere te koup via de website www.kanonvanhetbalkon.nl en kènne waere gekoch bie Music Machine, Paesjsjtraot 11 in Zitterd en bie de Visit Zuid Limburg winkels. Zeet d’r sjnel bie, wènt Op=Op!
Laes ouch: ‘t Kanon van ’t Balkon trök op de Mert
Bron: Kanon van ‘t Balkon
Foto: Arjan Krijntjes
