Tiejes de Alaaf-trap van ’t sezoen is de Marottesjlaager 2024 gekaoze. Aafgeloupe september waar in Scala ’t Zittesj Vastelaovesleidjes Konkoer wo oet 10 inzendinge door (vak)sjurie en ’t Volk van Zitterd de top 3 is gekaoze.
De drie leidjes die in de finale van Zittesj vastelaovesleidjes Konkoer sjtonge woorte tiejes de Alaaf-trap laif gezonge, wonao ’t Volk van Zitterd via de app van Radio Nónnevot koosj sjtömme.
Nao ’t telle van de sjtömme is pès Marottesjlager is gekaoze ’t leidje ‘Ich aom Zitterd’ gesjreve door Theo Wezenberg. De sjlager wurt gezonge door de debutante Nigel Tummers & Luc Eijkenboom. Theo Wezenberg sjrif al jaore leidjes veur de leidjesaovend van de Marotte mèr wis nog noots eerder ein plaatsj bie de bèste drie te behaole.
Onger ein groot applaus van de väöle luuj oppe Mert woort aan sjriever Theo Wezenberg en de zèngesj Nigel & Luc de Thei Hunnekens Wisseltroffe oetgereik.
De tweede plaatsj ging nao ‘t leidje ‘Ich kèn d’r neit genóg van kriege’ gezonge door Cyrille Niël, gesjrteve door Sjohn Smeets. De driede plaatsj gign nao Koeraasj mit ’t Leidje ‘Veer wille niks misse’, gesjreve door Guus Steinen.
De wènnende sjlaager en de nómmesj twee en drie zeen bènnekort te beloestere via versjèllende streamingsdeinste en natuurlik zal de top 3 reigelmaotig veurbie komme op Radio Nonnevót.
Foto en video: RBZitterd-VastelaovendZitterd
