Zaoterdig 7 Jannewari waar in ’t Forum de Plök en Vaerezitting van Sjtadsvastelaovesvereiniging De Marotte Zitterd. Tiejes dees zitting woort door de Auwt Prinse Zitterd de befaamde Grosse Nómmer op de buun gebrach.
Normaal numme de Auwt Prinse mit de Grosse Nómmer de pas geplökte ex Sjtadsprins op bènne hun vereining. Aevel doordat aafgeloupe jaor ein jaor waar zonger Sjadsprins krege de Auwt Prinse dit jaor dan ouch gein nuut lid d’r bie. Toch höbbe de Auwt Prinse weier eine Grosse Nómmer op de buun gebrach, wènt aafgeloupe jaor zeen weier genog zake gebeurd om eine Grosse Nómmer euver te make.
In de Grosse Nómmer, wo onger mee aansjtaonde insjtallase van Vorst Marot en Auwt Prins Joep Wijnands centraal sjtong, woort mit Zittesje laammaekerie en sjerpe humor gekeke nao Zittesje aktualiteite en polletik. Ménnig Prominent, bekènde Zitterder en zelfs hoog bezuik woort dao bie op de buun gebrach.
Marotte TV leet uch de complete, precies 1 oer en 11 menuut doerende, Grósse Nómmer zeen.
Beeld: Marotte TV
