’t Optoch Kommitee Zitterd organezeiert vriedig 10 Meert e.k. de jaorlikse film- en naokaart aovend. De aovend vèngk plaatsj in de Optochhal, midde tössje de groote Vastelaoveswaages, die zelf deil oetmake van de optochfilm.
Vanaaf 20.11 oere is jeederein wilkom om onger ’t genot van ein drenkske nog ens te kieke nao de beelde van de Kènjeroptoch en de Groote Vastelaovesoptoch 2023 en om same te klasjeneieiere en trök te kieke op de aafgeloupe Vastelaovend.
Deilnummesj aan de optochte ontvange van ’t Optoch Kommitee nog ein apaarte oetneudiging. De aovend is veur jeederein gratis toegankelik.
Foto: RBZitterd-VastelaovendZitterd
