De Marottewinkel is weier aope

2023

Sjtadvastelaovesvereiniging De Marotte Zitterd äöpend dit jaor weier hunnen eige winkel. De Marottewinkel is sjus wie veurigjaor te vènje in de kelder van Gijsen Zien en Horen aan ’t Tempelplien.

Jaororde pinkes

In de Marottewinkel is merchendise van De Marotte Zitterd te koup es de pinkes van de  jaororde en anger pinkes, CD’s oet veurgaonde jaore, Marotte-sjale, perpluuje en anger sjoon verzamelobjekte. Ouch is De Greutsje Pin te koup in de Marottewinkel.

Wiejer zeen de dit jaor geprizzenteierde Marotte t-shirts ‘Zittesje maedjes’ bènnekort weier te koup (webshop Marotte). Dees t-shirts ware zo’n sukses dat de eesjte oplage al snel waar oetverkoch, daorom höbbe De Marotte ein nuuj oplage van dees t-shirts laote make.

Naeve ’t winkel gedeilte prizzenteiere De Marotte ein sjtökske Zittesje Vastelaoveshistorie. Zo hange in de winkel väöle jaorordes, vaenkes, Marotte relikwieën en väöle foto’s. In de mini-bioscoop zeen doorloupend historische filmbeelde van de Zittesje Vastelaovend te bekieke.

Äöpeningstieje Marottewinkel:
Dónderdig van 10.00 pes 14.30 oer
Zaoterdig van 10.00 pes 17.00 oer

Bron en Foto’s: De Marotte Zitterd