Zittesje leidjes door nao de hauf finales van ’t LVK 2023

2023 Meziek
Cyrille Niël (links) mit de wènnende sjlaager ‘Wo brènt noch leich? door nao de hauf-finales van ’t LVK 2023.

In ein sjpisjaal pregram op L1-Radio zeen door Ruud Kleinen (L1) en Stichting LVK voorzitter Joep Verbugt de 60 leidjes bekend gemaak die door zeen nao de hauf finales van ’t LVK 2023. Bie dees 60 hauf-finaliste zitte twee veur Zitterd oetkòmmende leidjes.

’t Eesjte veur Zitterd oetkòmmende leidje is de Zittesje sjlaager ‘Wo brènt noch leich?’. De sjlaager wurt gezonge door Cyrille Niël en is gesjreve door Sjohn Smeets & Gian Prince. Cyrille sjteit in de eesjte hauve finale mit nómmer 18.

De tweede Zittesje hauf-finaliste zeen Jesse & Jesse mit ’t door Thei Wessels gesjreve leidje ‘Sjtaek dien naeske in ’n glaeske’. Zie sjtaon in de tweede hauf-finale mit nómmer 29.

Naeve de twee veur Zitterd oetkommende leidjes zeen mit Don Kiesjot en Kartoesj nog twee leidjes oet ‘Groot-Zitterd’ door nao de hauf-finales van ’t LVK.

De hauf finales van ’t LVK 2023 waere op vriedig 13, 20 en 27 Jannewarie tössje 18.00 en 20.00oere oetgezonje via L1TV en L1 Radio en waere herhaalt op zaoterdig 14, 21 en 28 Jannewarie tössje 10.00 en 12.00 oer. Nao aafloup van dees oetzendinge kènt wie gebroekelik waere gesjtömp. Infermase euver ’t sjtömme volg.

Mee infermase euver ’t LVK en ein euverzich van alle 60 leidjes die door zeen nao de hauf-finales van ’t LVK 2023 is te venje op de website van Stichting LVK.

Cyrille Niël ‘Wo brènt noch leich?’ #LVK18
Jesse & Jesse ‘Sjtaek dien naeske in ’n glaeske’ #LVK29

Foto: RBZitterd-VastelaovendZitterd en Stichting LVK