Toch nog ‘t Kanon

2022

Vastelaoveszaoterdig zal dan toch nog ’t Kanon plaatsj vènje. Dit jaor gein Kanon van ’t Balkon op eine volle Mert, mèr ’t Kanon bènne in ’t Forum.

’t Belaof eine geweldige Vastelaovesaovend te waere mit optraës van o.a. de wènnesj van ’t LVK 2022 Bjorn & Mieke, de wènnesj van ’t LVK 2021 Hoondervel, Spik & Span, Kartoesj, Don Kiesjot, Erwin, Trööt in de Gööt en Beppie Kraft. ’t Pregram wurt de kommende daag nog oetgebreid.

Kaertjes koste €11,- en zeen vanaaf 23 Fibberwarie, 11 oere te koup via de website van ’t Forum. Veur de richtige Vastelaovesbelaeving zeen in ’t Forum alleen sjtaonplaatsje. De zaal geit aope om 18 oere.

Toegang allein in Vastelaoves pekskes. Dus trek ’t pekske oet de kas, doon get sjmink op de sjnoet en kom Vastelaovend viere!

Teste veur toegang is neit neudig. ’t Aantal besjikbare plaatsje blif onder ’t maximum veur bènne evenement.

Bron: Facebook Kanon van ’t Balkon
Foto: Ton Dirkx