Nao 2 Optochloze jaore trèk op Vastelaoveszondig 27 Fibberwari weier eine Vastelaoves Optoch door de Zittesje sjtraote. Gezeen de korte veureidingstied van amper 10 daag en de beperkinge vanoet de euverheid wurt de optoch door ’t Optoch Kommitee Zitterd omsjreve es eine ‘nood-optoch’.
Ondanks de korte veurbereidingstied tèlt d’n Optoch dit jaor 69 nómmesj verdeild euver Groote Waages, Midde Waages, Groote-, Midde- en Klein Groppe, Köppelkes, Enkelinge, kènjergroppe, kèrkes en Meziekgezelsjappe.
De Optoch wurt aafgesjlaote door de praalwaage mit Auwt-Sjtadsprins Thierry I. Es Sjtadsprins haw Thierry de pech dat zowaal in 2020 (sjtorm) es 2021 (corona) de Optochte neit koosjte doorgaon. Noe dit jaor geine nuuje Stadsprins is oetgroupe krig Thierry es Auwt Prins toch nog ziene Optoch.
Pregrambuikske digitaal
Op de website is ein digitaal pregambuikske te downloade mit infermase euver alle deilnummesj en ’t motto dat zie daon oetbeelde.
’t Pregrambuikskse is es printbare PDF te downloade via de volgende link: DOWNLOAD PDF
Bron: Optoch Kommitee Zitterd
Foto: RBZitterd / VastelaovendZitterd
