Sjtadsvastelaovesvereiniging De Marotte Zitterd haet besjlaote om de oetruipingsaovend van de nuuje Sjtadsprins, onger veurbehoud, te verplaatsje nao zaoterdig 22 Jannewari.
De oetruipingsavond, dae dit jaor veur ’t eesj oppe Mert zal plaatsj vènje, sjtong eigelik gepland veur zaoterdig 8 Jannewari. Gezeen de euverheidsmaotregele rondjom Corona zeen De Marotte genoodzaak dees te verplaatsje.
Nao aafloup van de coronapersconferentie van ’t kabinet op 14 Jannewari zulle De Marotte ein definitief besjloet numme euver ’t Vastelaovessezoen. In ’t geval dat de huidige maotregele waere verlengd, zulle De Marotte dit jaor geine nuuje Sjtadsprins oetroupe.
De Marotte wachte bewus mit ’t definitief besjloet. Zie wille veural kieke nao wat waal kènt. Es de regeiering geit besjloete tot versoepelinge euverwaege De Marotte om de nuuje Sjtadsprins oet te roupe, mits ein waerdig restant van ’t Vastelaovessezoen realistisch is.
Ouch bie de meis sjtrenge beperkinge rondjom ’t coronavirus zulle De Marotte Zitterd via alternatieve acties de Vastelaovend nao de luuj prebeiere te brènge.
Foto: Arjan Krijntjes
