Nao ein noodgedwonge aafwezigheid van 2 jaor organezeiere de Flanelle Lepkes dit jaor weier de tradisjonele Vrouwluujzitting. Dees zitting vèngk dit jaor plaatsj op zondig 15 Jannewari in ’t Forum aan de Engelekampsjtraot.
De Flanelle Lepkes höbbe dit jaor gekaoze veur ’t motto ‘Offline’, aeve trök nao d’n tied van veur Facebook, Twitter, Tik-Tok of WhatsApp. Dit jaor zeen de Flanelle Lepkes dan ouch neit op social-media te vènje, mèr wurt awwetwets reklaam gemaak mit flyers en mondj-op-mondj reklaam.
Volges tradiese wurt ’t pregram neit bekend gemaak, mèr toch lichte de dames alvas ein tipke van de sjluijer. Nemens minder es de aafsjiednummende Trööt in de Gööt zal op de vrouwluujzititng ein van hun letste optraës gaeve.
Veurverkoup:
De veurverkoup van kaarte de vrouwluujzitting is op zondig 18 December e.k. bie Kafee De Kup op de Lömmerichtersjtraot. Entreekaarte koste €17,50 en wie ummer maximaal 2 kaarte per persoon.
Kafee De Kup zal geäöpend zeen vanaaf 9.00oere, nömmerkes waere vanaaf dat moment oetgedeilt. De kaartverkoup begint om 14.00oere.
Update 20 december 2022:
De Flanelle Lepkes höbbe via social-media laote weite dat door de nuuje zaal en indeiling daovan nog extra kaarte veur de Vrouwluujzitting besjikbaar zeen. Dees kaarte zeen te koup bie Limburg Hair, Sjtaaseplien 11 in Zitterd. Gaer contant en gepas betale.
Update 3 Jannewari 2023:
Alle kaarte zeen oetverkoch. D’r is Waal nog ein muigelijkheid om op de wachlies te komme. Dit kènt via de facebouk pagina van de Flanelle Lepkes.
Bron en Foto: Flenelle Lepkes
