Sjtadsvastelaovesvereiniging De Marotte Zitterd haet bekendgemaak dat Joep Wijnands is benuimp pès nuuje Vorst Marot. Dit gebeurde op zaoterdigaovend 12 November aan ’t enj van de Alaaf-trap op de Zittesje Mert door ’t veurlaeze van ’t Tillegram van de Pappegey door Groot Vorst Frits van Beek.
Joep Wijnands, in ’t dagelikslaeve ongernummer, is zeker geine onbekènde in ’t Zittesje. Hae regeierde in 1993 es Sjtadsprins euver ’t Marotteriek, bie ‘t 111 jaorig jubbelei van De Marotte Zitterd. Nao zien Prinssjap is Joep lid gewore van De Auw Prinse wo hae versjèllende jaore de praezes van is gewaes en is hae actief bénne ‘Societé Zitterd’, ’t business netwerk veur sjponsore van de Zittesje Vastelaovend.
De offesjeel insjtallase van Joep Wijnands pès Vorst Marot zal plaatsjvènje op zondig 8 Jannewari in ’t Forum. Dan zal aan ’t ènj van de Prinseresepse de huidige Vorst Marot Jan Janssen, dae haet aangegaeve ein sjtepke trök te wille doon, de scepter euverdrage aan ziene opvolger.
Foto: RBZitterd / VastelaovendZitterd
