Fotoalbum Groote Vastelaovesoptoch 2022

2022 Foto Optoch

Nao 2 Optochloze jaore trok op Vastelaoveszondig weier de Vastelaoves Optoch door de Zittesje sjtraote. De optoch trok bie ein veurjaorszönke en ein sjtrak blauwe loch. Zitterd waar ein van de einige plaatsje in Limburg wo eine groote optoch door de sjtraote trok. Dat feit zörgde d’r veur dat väöle luuj van Zitterd en wied dao boete rieje dik langs de route sjtonge. ’t Waar messjien waal ein van de druksbezochte optoch ooit!

De doezende luuj langs de kantj koosjte geneite van eine sjitterende en kleurrieke optoch mit groote waages vol bewaeging, meziek, kolderieke groppe en enkelinge vol aktualiteit.

De Optoch woort aafgesjlaote door de praalwaage mit Auwt-Sjtadsprins Thierry I. Es Sjtadsprins haw Thierry de pech dat zowaal in 2020 (sjtorm) es 2021 (corona) de Optochte neit koosjte doorgaon. Noe De Marotte Zitterd dit jaor geine nuuje Stadsprins höbbe oetgroupe kreeg Thierry Dirkx es Auwt Prins toch nog ziene Optoch.

Hie onger kent geer ’t Fotoalbum van Groote Vastelaovesoptoch 2022 bekieke:

Foto’s: VastelaovendZitterd – RBZitterd