De Neit Prinse Rèpzooidie

2022

’t Convent van Neit Prinse haet ein eige leidje opgenomme: De Neit Prinse Rèpzooidie. De teks en meziek zeen gesjreve door Neit Prins Sjef Schurgers en Bart Storcken. Veur de Rèpzodie beat teikende Jup Wijnen. De De Neit Prinse Rèpzooidie is opgenomme bie Maasland Studio’s Born door Dirk Brouns.

Wiejer laote de Neit Prinse weite dat zie wie dan ouch Vastelaovend gaon viere en dat zie wie dan ouch de route van de Kènjeroptoch zulle gaon laope. Wie Ton Meisen van de Neit Prinse ’t verwoord: “Veer mòtte get doon, al sjteit dao sjtraks gein pebliek. De Vastelaovend krigste neit oet oos hart”.

Op de daag van de Kènjeroptoch zulle de Neit Prinse taeves hunne nuuje Neit Prinse prizzenteiere en zal de tweede edisie van hun jaorblaad De Sjwarte Sjeek versjiene.

Bron: ’t Convent van Neit Prinse
Foto: Beeldfragment YouTube