De Greutsje Pin 2023 is geprizzenteiert

2023
De Greutsje Pin 2023

Op de 11de van de 11de is de 10e Greutsje Pin geprizzenteiert. De Greutsje Pin is ein sjpèngske dat jeedere Vastelaovesgek op ziene revaer of patsj kent sjtaeke es teike dat hae greutsj is op de Vastelaovend.

De opbrengs van De Greutsje Pin geit rechsjtreeks nao de klupkas van de vereiniginge die De Greutsje Pin verkoupe. Van jeedere Greutsje Pin dae de vereiniging haet verkoch geit €3,- rechtstreeks nao de klupkas. Mit ’t koupe van de Greutsje Pin sjteunt geer dus dirék de klup of vereiniging van eur keuze. Mit dit geldj kènne de klups en vereiniginge hun onkoste dekke. Beveurbeeld veur ’t boewe van eine Vastelaoveswaage, nuuj pékskes of instruménte. ‘t Doel van sjtichting De Greutsje Pin is om dit jaor in totaal €10.000,- biejein te brènge veur de lokale vereiniginge.

Verkoup
De Greutsje Pin kòs €5,00 is te besjtèlle via de website van De Greutsje Pin en is rechsjtreeks te koup bie de deilnummende vereiniginge. Mee infermase en de verkoupadresse is de te vènje op de website van De Greutsje Pin

Foto: Sjtichting De Greutsje Pin