In de sfeervolle sjpeigeltent ‘Majestic’ op ’t Sint Rosa Festival waar ’t Zittesj Vastelaovesleidjes Konkoer mit de verkeizing van de Marottesjlaager veur ’t Vastelaovessezoen 2022-2023. Zitterd is daomit tradisjoneel de eesjte plaatsj in Limburg wo de sjlaager veur ’t nuuje sezoen wurt gekaoze.
Nao ’t tèlle van de sjtömme van de vaksjurie, de Vastelaovessjurie en de pebliekssjurie is gekaoze pès Vastelaovessjlaager 2023 ’t leidje ‘Wo brènt nog leich?’. De nuuje sjlaager is gesjreve door Sjohn Smeets en Gian Prince. en wurt gezonge door Cyrille Niël. Onger ein groot applaus van alle aanwezige krege sjrievesj Sjohn Smeets en Gian Prince en zènger oet henj van Marianne Hunnekens-de Kok de Thei Hunnekens wisseltroffee oetgereik.
De tweede plaatsj ging nao ’t door Fieny Cals en koor gezonge leidje ‘Pekske klaor?’, gesjreve door Guus Steinen. De driede plaatsj waar veur Theo Weijman (teks) en Mark Willems (meziek) mit ‘t leidje ‘Sjalevaeger veur ‘t laeve’, dat wurt gezonge door Lisa & Max Schiffler.
De wènnende sjlaager wurt door De Marotte Zitterd same mit de nömmesj twee en drie en ein kenjer- en tienerleidje opgenomme in ein profesjonele studio. Vanaaf november zeen dees leidjes te beloestere via de bekende streamingsdeinste.
Foto & Video: RBZitterd – Vastelaovend in Zitterd
